Psa 120 | WNC | STEP | Meya takngatuta nae apanu na Buyambam tapae yatawanggat. Yatawamba ita tumuk wamma natake gatangamunggak.

Psalms 120

Kau Isrel aminda taike miti yot gwene kopnanga kap taknga.

1 Meya takngatuta nae apanu na Buyambam tapae yatawanggat.
Yatawamba ita tumuk wamma natake gatangamunggak.
2 Sike tumuk wamu anzing yanggat, “Buyambam tapa, gatangamuyo.
Aminu kunduta kem wamu nae yake na tandambanutnang,” ngang yanggat.
3 Ginu kem amin, Anututa ginde mina binga tasiwik?
Ita meya dasing binga damik?
4 Sike itanu amak amindane sakutnata dapik.
Siwan katapaimu toknga siknga take dasipa maining.
5 Na gin banakan wai yuat. Sike wai wa yuwau keu komdu
Mesek gatu Kedarde banakan binga yupmainggat.
6 Na tupata amin noman yutnangge dua sikaingkat yukumang.
Siwan tapduu mamaya siknga siwan na meya nataat.
7 Sike nata nomangan yutnangge nataat.
Siwan nata noman yutnimde yaniwa nataaing ngana waaminda amak tasinangge yakaing.